Organizara Botërore e Shëndetësisë (OBSH), deklaroi se rastet e reja me Covid-19 u rritën me 10% në Evropë, pas disa javëve kur kurba ishte në rënie.
OBSH paralajmëroi autoritetet europiane për një rritje të mëtejshme pata stinës së vjeshtës, teksa kërkoi monitorim më të rreptë të kampionatit evropian ”Euro 2020”, që po zhvillohet me praninë e tifozëve, shkruan The Guardian.
Numrat e infeksioneve kanë pësuar ulje në shumë pjesë të rajonit, duke përfshirë vendet e BE, por Katy Smallwood, menaxheri i lartë i urgjencave të OBSH-së në Evropë, tha se disa shtete si Rusia, po regjistronin numrin më të lartë të vdekjeve ditore të pandemisë.
Në lidhje me variantin Delta të Covid, ai u shpreh se infeksionet nga ky variant në Evropë po rritën me shpejtësi, ndërsa për vaksinimin e popullsisë, ai u shpreh se ka ende shumë punë për të bërë, për të arritur sigurinë e duhur.
Që nga fillimi i pandemisë deri tani në të gjithë Evropën janë regjistruar 48,041,153 persona me Covid, ndërsa 1,103,642 të tjerë kanë humbur jetën.
