Pas prezantimit të hitit të saj më të ri, “Scared to Be Lonely”, Dua Lipa këngëtarja e famshme me origjinë shqiptare, ka marrë vëmendjen e të përditshmes amerikane, “NewYork Times”.
Gjatë komunikimit me NewYork Times, artistja është shprehur me nota të larta optimizmi për sukseset e saj.
“Po përjetoj kohën më të mirë”, ka thënë ajo, dy ditë para testimit të produktit muzikor të radhës.
Gazeta njujorkeze shkruan edhe për hitin e ri “Scared to Be Lonely”, premierën e të cilit e bëri në emisionin e famshëm “The Tonight Show”.
“Performanca në emision ishte një hap i mirë në karrierën e këngëtares 21-vjeçare. Ajo ka siguruar miliona dëgjime për këngën ‘Hotter Than Hell’, ‘Blow Your Mind’ dhe “Be the One”, ndërsa kënga “Scared to Be Lonley” i ka siguruar më shumë se 250 milionë transmetime”, shkruan ndër të tjera “NewYork Times”.
Dua Lipa është rritur me hite dhe tani po i shkruan të vetë ato”, shkruan NYT, duke shtuar se ajo është shqiptare dhe babanë e ka muzikant të famshëm në Kosovë.
Albumi i parë i këngëtares shqiptare do të dalë në shitje këtë të premtë.
