Ndërtesa e Kongresit amerikan u vu nën izolim për shkak se një numër protestuesish që mbështesin presidentin Donald Trump hynë në kompleksin e Kapitolit, ku ligjvënësit janë mbledhur në seancë për çertifikimin e votës elektorale të zgjedhjeve të 3 nëntorit.
Gjendja në Kapitol dhe rreth tij është ende e tensionuar, ndërkohë që protestuesit u përplasën me policinë që ruajnë ndërtesën.
Ndërkohë, në momentin që mbështetësit e Donald Trump kanë vërshuar brenda godinës , truprojat kanë nxjerrë edhe armët.
Certifikimi i Joe Biden si president ka sjellë tensione të mëdh në SHBA. Turma e mbështetësve të Trump kanë vërshuar brenda Kongresit të SHBA-së për të ndaluar procesin.
Ndërkohë, Donald Trump vijoi me deklaratat e tij se zgjedhjet presidenciale ishin të manipuluara.
Përpara një turme mbështetësish në Washington, ai tha se nuk do ta pranojë kurrë humbjen në zgjedhjet presidenciale ndaj demokratit, Joe Biden.
“Ne kurrë nuk do të dorëzohemi, nuk do të pranojmë kurrë. Ne do të ndalojmë vjedhjen.”– tha Trump.
