Menjëherë pas mbylljes së numërimit të kutive të votimit për zgjedhjet e përgjithshme, ka nisur procesi i numërimit të votave për kreun e bashkisë së Kavajës.
Nga raportimet e para , thuhet se deri tani ka përfunduar numërimi i 26 kutive të para, ku kryeson kandidati i Partisë Socialiste, Dorjan Murati.
Mësohet se kutitë që janë numëruar deri në këto çaste, janë të zonës së Golemit, Helmasit dhe Synejt.
Sakaq, bëhet me dije se PS me Dorjan Muratin ka marrë 3175 vota; PD me Isa Sakjan ka marrë 2711 vota; LSI me Maksim Konan ka marrë 479 vota.
Kavaja votoi të dielën për përfaqësuesit e rinj në parlament si dhe për kryetarin e ri të Bashkisë.
Kujtojmë se deri pak muaj më parë Bashkia drejtohej nga Elvis Rroshi , por për arsye se ai është nën hetim, ju hoq e drejta e ushtrimit të detyrës.
