Edhe në edicionin e sivjetshëm të “Kënga Magjike” nuk munguan hatërmbetjet mes këngëtarëve për pikët. MC Kresha, duke qenë se ishte në duet me Fifin, ka shmangur këtë pjesë, duke ia lënë përgjegjësinë Fifit. I ftuar në emisionin “NIN”, Kresha ka falenderuar Fifin që ka pranuar të votojë ajo për artistët.
“Nuk kam dashur të ndikoj në raportet artistike që artistët kanë mes tyre, dhe që mos më dalë pastaj dikush të më thotë: “më dhe kaq pikë”.
Personalisht, s’kam dashur të japë pikë. Kënga ka qenë e Fifit, dhe nuk e kam parë të rrugës të votoj unë. Falenderoj Fifin që ka pranuar t’i japë votat vetë”, ka thënë reperi.
