Melanie Brown, e njohur si Mel B e “Spice Girls”, në librin biografik të titulluar “Brutally Honest”, ka rrërfyer për jetën e saj të vështirë dhe përballjen me drogën. Sfida më e madhe ishte largimi nga jeta reale, dhe duket se vetëm droga e sillte në humor.
Në një fragment të librit të botuar nga “The Sun”, këngëtarja shkruan se një ndër “momentet më të trishtuara të jetës sime, ishte kur tentova vetëvrasjen në vitin 2014”.
Përgjatë viteve 2011-2016, ajo shërbeu si e ftuar speciale dhe anëtare e jurisë në versionet australiane dhe britanike të “X Factor”. Ajo ka thënë ndër të tjera se ka qënë shumë e trishtuar, dhe kishte dalë jashtë kontrollit.
“Isha shumë e trishtuar, kisha dalë jashtë kontrollit. Në ‘X Factor’ (në Britani), merrja 6 viza kokainë në ditë, para dhe pas punës. Më bënin të harroja gjithçka, përveç spektaklit”.
