Interi u mposht të mërkurën nga Barcelona me rezultatin e pastër 2-0 në Camp Nou, në ndeshjen e Champions League. Zikaltërit vinin nga 7 fitore radhazi, por në këtë sfidë nuk arritën të tregojnë asgjë, ata u neutralizuan nga katalanasit gjatë gjithë ndeshjes.
Por duket se drejtuesit interistë janë të kënaqur me atë që po jep skuadra në fushë dhe i kanë rinovuar kontratat 6 futbollistëve. Përmes një komunikate të publikuar në faqen zyrtare të klubit, zikaltërit kanë njoftuar rinovimin e kontratës me plot gjashtë futbollistë. Nominalisht: Marcelo Brozovic, Antonio Candreva, Henrique Dalbert, Roberto Gagliardini, Joao Miranda dhe Matias Vecino.
“FC Internazionale Milano është i lumtur të njoftojë se 6 futbollistë kanë rinovuar kontratat e tyre me klubin. Në vijim janë detajet e rinovimeve të nënshkruara nga zikaltërit:
- Marcelo Brozovic rinovoi deri në 30 qershor 2022
- Antonio Candreva rinovoi deri në 30 qershor 2021
- Henrique Dalbert rinovoi deri në 30 qershor 2023
- Roberto Gagliardini rinovoi deri në 30 qershor 2023
- Joao Miranda rinovoi deri në 30 qershor 2020
- Matias Vecino rinovoi deri në 30 qershor 2022
