Sekretari i Jashtëm i Britanisë së Madhe Boris Johnson, kë bërë një deklaratë këtë të premte duku u shprehur se “ka shumë mundësi”, që presidenti rus Vladimir Putin, ka urdhëruar personalisht eliminimin e ish-spiunit rus dhe vajzës së tij, më 4 mars. Për helmimin e tyre u përdor një “agjent nervash”, që dyshohet se është përdorur nga ushtria ruse, raporton CCN.
Më parë, kryeministrja e Britanisë Theresa May, ka njoftuar dëbimin e 23 zyrtarëve të lartë rusë nga vendi. Kjo, lëvizje e saj erdhe pasi Moska, nuk iu përgjigj në kohë akuzave të Britanisë. Britania nuk ndalët së lëshuari akuza në drejtim të Moskës, dhe i drejton gishtin drejtpërdrejt Putin, për helmimin e ish-agjentit rus Sergei Skripal dhe vajza e tij Yulia, gjatë një sulmi me “agjent nervor”, më 4 mars.
Rusia ka hedhur poshtë akuzat e Mbretërisë së Bashkuar si “të pabazuar” dhe paralajmëroi se do të hakmerrej shpejt për shkak të dëbimit të diplomatëve të saj.
Duke folur së bashku me homologun e tij polak, Xhonson tha se Mbretëria e Bashkuar dhe aleatët e saj po prisnin një përgjigje serioze nga Rusia lidhur me sulmin me “agjent nervor”.
“Grindja e qeverisë së Mbretërisë së Bashkuar nuk është me popullin rus, nuk është me rusët që jetojnë këtu në këtë vend, nuk kemi asgjë kundër rusëve, nuk do të ketë rusofobinë si rezultat i asaj që ka ndodhur”, tha ai .
“Grindja jonë është me Kremlinin e dhe vetë Putin. Ne mendojmë se është shumë e mundshme, që sulmi është porositur nga vetë ai, për vrasjen e “agjentit nervor”, dhe vrasjen e një ish-spiuni bashkë me vajzën e tij, në rrugët e Mbretërisë së Bashkuar”. TIRANA TODAY
