Nuk kanë të mbaruar problemet për Venturën, humb sulmuesin kryesorë

Përballja me Suedinë është sfida e jetës për Italinë dhe teknikun Ventuara, i cili ka qenë mjaft i kritikuar për futbollin që kanë shfaqur axurrët në ndeshjet e fundit. Tashmë problemet vijnë në sulm, ku është sulmuesi i tyre më në formë, Zaza i cili ka lenë stërvitjen paraditen e sotme. Sulmuesi i Valencias është parë të largohet nga seanca stërvitore mëngjesin e sotëm, pasi ka pasur një dëmtim në gjunjë dhe pritet që të mungojë në “play-off”.

Do të priten testet e fundit mjekësore për të dalë në një vendim përfundimtarë, pasi Zaza nuk është larguar nga grumbullimi, që do të thotë se nuk është serioze. Zëvendësuesit e tij janë të gatshëm, në rast mungese është Eder dhe Belotti që mund të marrin një vend titullarë. Ky është një problem për Venturën pasi e kishte organizuar sulmin me Zazën në krye për të depërtuar në mbrojtjen suedeze, e tashmë ofensiva duhet formatuar edhe njëherë nga fillimi.