Nuk ka surpriza në ndeshjet e “play-off” të zhvilluar natën e sotme. Ku Kroacia ka shkatërruar Greqinë me rezultatin 4-1 dhe Zvicra ka arritur të marrë një fitore mjaft të ngushtë 1-0, por që është mjaft e vlefshme. Tashmë duke pritur ndeshjet e kthimit, Kroacia duket se e ka biletën në dorë, ndërsa Zvicra do të presë në shtëpi irlandezoveriorët mjaft e qetë.
Kroacia e nisi sfidën me shumë hov, duke u shënuar grekëve dy gola të shpejtë. Më pas janë miqtë që shkurtojnë rezultatin për një cast, pasi nuk zgjati më shumë se 3 minuta dhe kroatët shënojnë sërish me Perisic. Autorët e dy golave të parë ishin fantazisti i Real Madrid, Luka Modric dhe Kalinic sulmuesi milanez. Grekët gjetën rrugën e rrjetës me Sokratis. Gol që u jep pak shpresë për ndeshjen e radhës që do ta organizojnë në shtëpi. Por në pjesën e dytë janë sërish vendasit që gjejnë rrugën e rrjetës pas një gabimi foshnjarak të mbrojtjes dhe portierit grek, nga ku përfiton Kramaric de shënon të katërtin. Një rezultat mjaft komod për kroatët që tashmë e shohin veten në Rusi, për të marrë pjesë në finalet e Botërorit.
Zvicra vuan shumë në pjesën e parë edh pse e dominon pothuajse të gjithën atë. Irlanda e Veriut e kishte përgatitur mjaft mirë sfidën dhe kishte bllokuar pothuajse çdo lojtarë që mund të ishte i rrezikshëm në aftësitë individuale. Ndërsa në pjesën e dytë të dyja ekipet u hapën dhe kërkuan të shënojnë. Janë helvetët që gjejnë rrugën e rrjetës, me anë të Rodriguez nga pika e bardhë e penalltisë. Goli u shënua në minutën e 58’ dhe pjesa tjetër e lojës zgjoi vendasit të cilët kërkuan të shënonin dhe zviceranët që përpiqeshin të administronin rezultatin. Fitorja në fushën e Irlandës së Veriut e bën të jetë mjaft komod në ndeshjen pritëse për trajnerin Petkovic, i cili është në gjysmë të ëndrrës Rusi 2018.
