Para dy ditësh, fotografi Endrit Mërtiri festoi ditëlindjen e tij me miqtë më të ngushtë. Sigurisht, kur flasim për këta të fundit na shkon në mendje menjëherë Aurela Hoxha, mungesa e së cilës u vu re në festë.
Por, çfarë ka ndodhur mes tyre, a është prishur miqësia e gjatë që Mërtiri dhe Hoxha kanë pasur bashkë?
Këtë herë përgjigjen e jep vetë fotografi. Ai ka qenë sot i ftuar në emisionin “Wake Up” në Top Channel, ku u pyet për Aurelën, por ai nuk preferoi të tregonte detaje, pasi tha se kjo gjë është personale dhe nuk do ta ndajë me të tjerët.
“Mesazhet vijnë në vende të ndryshme. Nuk kam ndërmend të sqaroj njeri. Janë disa gjëra personale që unë zgjedh t’i mbaj për vete. Edhe nëse do ta prishnim marrëdhënien, s’do ta bënim publike. Mediat e ekzagjerojnë”, është shprehur Mërtiri.
