Vendimi i kabinetit qeveritar për një armëpushim pas dy ditësh luftime me militantët palestinezë në Gaza, ka detyruar ministrin e Mbrojtes së Izraelit të japë dorëheqjen.
Avigdor Lieberman nuk e ka menduar dy herë, por është dorëhequr me agumentin si “dorëzim ndaj terrorizmit”.
Ai tha se partia e tij e djathtë ‘Yisrael Beiteinu’ do të largohej nga koalicioni qeverisës, që mund të çojë në zgjedhje të parakohshme.
Tetë përsona u vranë të hënën e të martën, ndërsa militantët gjuajtën 460 raketa ndaj Izraelit dhe forcat izraelite bombarduan 160 objektiva në Gaza.
Armëpushimi u mbajt të mërkurën, dhe shkollat e bizneset në Izraelin e jugut u rihapën pasi nuk u raportuan sulme me raketa gjatë natës.
