Edhe sot, studentët kanë zgjedhur pankarta mjaft pikante, ku ironizojnë qeverinë shqiptare. Studentët vënë gishtin tek Rama, Nikolla e duket se pankartave ironizuese nuk u ka shpëtuar as ministrja e Kulturës, Mirela Kumbaro pas deklaratës së bujshme lidhur me librat.
Edhe pse tashmë po bie shi, studentët duket se i kanë marrë masat teksa më të vendosur se kurrë kanë hapur çadrat dhe vijojnë të qëndrojnë përballë Ministrisë së Arsimit.
Gjatë thirrjeve të tyre, studentët madje kanë përmendur 20 emra të pedagogëve të Universitetit të Tiranës, që u kanë kërkuar atyre para për të kaluar provimet.
Madje, studentët e Arkitekturës kanë publikuar foto të pedagogëve të këtij fakultetit, ku disa prej tyre i kanë kryqëzuar, teksa kërkojnë vetting edhe për pedagogët.
