Leo Cara, tifozi i vogël dhe i flaktë i Partizanit, është ndarë nga jeta në mënyrë të parakohshme. I mituri, i cili nuk mungonte asnjëherë në asnjë ndeshje të ekipit të tij të zemrës, nuk ka mundur t’ia dalë dot dhe sëmundja e rëndë e ka mposhtur.
Lajmin e hidhur e ka dhënë me dorë në zemër i ati i Leos.
Dashi Cara shkruan në rrjetet sociale:”Engjelli i babit u largua nga jeta. Gjithmonë i pazëvendësueshëm do jesh o Leo i babit. U prefsh në paqe Leo. Do të kujtoj gjithmonë sa të kem fryme”.
Një lajm i hidhur ka prekur edhe kampin e skuadrës së Partizanit. Tifozi me aftësi të kufizuara fizike ishte cilësuar si një nga tifozët më të veçantë të klubit, ndërsa shoqërohej gjithmonë nga babai i tij. Vetë klubi nëpërmjet një postimi në rrjete sociale shkruan: LAMTUMIRE LEO!
Klubi shpreh ngushëllimet më të sinqerta familjes Cara, për humbjen e Leos. Tifozi i veçantë me aftësi të kufizuara fizike i cili nuk linte ndeshje të skuadrës pa ndjekur dhe përkrahur në stadium, ka humbur betejën me jetën. Dashuria e tij për fanellën e kuqe e identifikoj vogëlushin si një prej mbështetësve më special të familjes së kuqe. Klubi i gjendet pranë familjes Cara në këto momente të vështira.”
