Kryeministrin Edi Rama foli sonte për strukturat që po drejtojnë protestën e studentëve.
I ftuar në emisionin “Top Show”, Rama deklaroi se ka tre struktura që gatuan protestën, dy PD dhe LSI dhe një strukturë tjetër marksiste por që nuk njohin Marksin”
“Protesta ka pasur 3 komponentë të strukturuar. Nga 3 komponentët me agjenda të caktuara, dy janë PD-ja dhe LSI-ja, me opozitën që ka kërcënuar se do të bëjë gjithçka për të rrëzuar qeverinë. Komponenti i tretë është Lëvizja për Universitetin, që nuk është lëvizje politike, por një grupim marksistësh që nuk e njohin Marksin. Jam i bindur se studentët i kanë këto probleme, patjetër, por kanë neveri ndaj politikës dhe nuk duan të vijnë deri këtu. Problemet dhe studentët janë njëra anë, ajo që më intereson mua. Strukturat e tjera, mua nuk më interesojnë”, tha Rama.
Më këtë deklaratë Rama pranon që brenda në protestën e studentëve është edhe struktura që drejtohet nga Arlind Qorri. Por opozita e konsideron Arlind Qorrin si njeriun kamikaz të Ramës që është gjithkund për të shkatërruar çdo protestë.
Duke marrë për bazë akuzat e opozitës kryeministri na lë të kuptojmë se ai ka strukturën e tij në protestën e studentëve dhe ai mund ta shkatërroj atë në çdo moment. Por me këtë deklaratë ai mbron kamikazin e tij politik që shkatërron çdo protestë që ngrihet kundër qeverisë Rama.
Ndoshta Rama po zgjat sa më shumë protestën e studentëve që te largojë vëmendjen e shqiptarëve nga megaskandali i firmës Dunwell Haberman e cila fitoi tenderin për punimet tek Unaza e Re. Kompania Dunëell Haberman përmes falsifikimit të dokumenteve të regjistrimit kompani kishte arritur të siguronte dy kontrata me vlerë prej rreth 30 milionë eurosh nga qeveria shqiptare. Mos ndoshta Rama e ka nën kontroll të gjithë protestën e studenteve, por po përdor Arlind Qorrin që ta mbajë nën tutelë kryengritjen e studentëve.
Kujtojmë se Arlind Qorri dhe Lëvizja për Universitetin ka marrë pjesë në të gjitha protestat e organizuara nga qytetarë të ndryshëm duke o shkatërruar ato me kujdes.
Menjëherë pas sigurimit të ekskluzivitetit të protestave kundër Ligjit për Arsimin e Lartë, Organizata Politike në vitin 2016 u fokusua në betejën për ‘mbrojtjen’ e Parkut të Liqenit.
Një vit pas protestës së Parkut të Liqenit, e njëjta organizatë u angazhua të mbështeste protestën e naftëtarëve dhe atë të banorëve të Zharrzës.
Ishte e njëjta organizatë (a)politike që i keqdrejtoi banorët ndërsa opozita politike i ofroi një mbështetje që do të shkonte më shumë se sa një takim i tyre me ministrin Gjiknuri.
OP, ndoshta nga frika se mos këta qytetarë bashkoheshin në çadrën e opozitës, bëri çmos për t’i larguar nga opozita dhe për t’i çuar në një takim të pakuptimtë me Gjiknurin.
Sot e kësaj dite naftëtarët nuk kanë marrë rrogat, qytetarët e Zharrzës nuk kanë marrë dëmshpërblimin.
Të njëjtën skemë të shëmtuar ‘marksistët’ e OP u përpoqën të ndiqnin me protestën në mbrojtje të Teatrit Kombëtar, edhe pse tek ky i fundit ata nuk mundën të merrnin nën kontroll situatën dhe u nxorrën jashtë me turp nga organizatorët.
Për çudinë e të gjithëve, e vetmja kauzë prej të cilëve marksistët e OP u përzunë, është e vetmja kauzë deri më sot e fituar nga qytetarët.
Teatri Kombëtar sot mbetet në këmbë!
