Kosova kishte planifikuar të luante ndeshje miqësore me Kazakistanin në “Fadil Vokrri” më 4 qershor, por kombëtarja e këtij vendi, nuk është lejuar të udhëtojë drejt Prishtinës. Kjo për shkak se Kazakistani nuk e njeh pavarësinë e Kosovës, shkruan Gazeta Express.
Edhe pse prej pesë vitesh Kosova është pranuar si anëtare në FIFA dhe UEFA me të drejta të plota, politika e disa vendeve, kryesisht në Europë, vazhdon të ndikojë edhe në veprimtaritë sportive.
Sekretari i Federatës së Futbollit të Kosovës, Eroll Salihu, kur është pyetur se anullimi i miqësores ka ndodhur për shkak se kazakistani nuk e njeh pagvarësisnë e Kosovës, është përgjigjur: “Besoj që po. Si federata kemi raporte shumë të mira,” ka thënë ai.
Në vend të Kazakistanit, më 4 qershor Kosova do të luajë ndeshje miqësore me Maltën në Austri. Ndërkohë, miqësorja tjetër e paraparë për t’u zhvilluar në Antalia, më 8 qershor kundër Komorosit, do të zëvendësohet me Guinenë, për shkak të masave anti-covid dhe hyrjen në Turqi.
