Sekretari për mediat dhe çështjet sociale i PS, Vau Dejës, Agron Ceka, është kërcënuar me jetë nga shtetasi Eduart Hila, djali i kryetarit të bashkisë Vau Dejës, Zef Hila.
Lajmin në fjalë e ka përcjellë vetë Agron Ceka, teksa pretendon se ka marrë një kërcënim me jetë.
Ngjarja
Sipas Cekas, djali i kryebashkiakut ka shkuar tek banesa e tij mesditën e djeshme, dhe i ka kërkuar që të mos postojë dhe të mos bëjë komente tek faqja e Partisë Socialiste Vau Dejes në Facebook, kundër babait të tij që është kryetar bashkie.
Ceka pretendon se Eduart Hila i ka thënë se nëse vijon postimet; “nuk do të ekzistojmë ne këtë botë, ose unë ose ti”.
Ai thotë më tej se do të bëjë kallëzim penal në Policine vendore të Shkodrës.
