AKU ka bllokuar dy kontenierë me mish, të importuara nga Brazili. Bëhet fjalë për 50.2 tonë mish, ku nga analizimi i mostrave u konstatuan me prezencë salmonelë.
Rezultati i analizave ka nxjerrë se mishi i importuar nga Brazili, ka qenë i infektuar me salmonelë, shumë i rrezikshëm për shëndetin e konsumatorit. Pas këtyre veprimeve, e gjithë ngarkesa do të kthehet në vendin e origjinës.
Gjatë këtij viti, nga AKU-ja janë bllokuar e kthyer në origjinë edhe 5 kontenierë të tjerë, me 130 tonë mish. Numri total i ngarkesave të importuara nga Brazili gjatë kësaj periudhe të vitit është 195 kontenierë; secili prej të cilëve është kontrolluar e analizuar.
