Dita e nesërme është e rezervuar edhe për kampionatin italian, ku ndryshe nga zakonisht, për të hënën janë lënë për t’u zhvilluar edhe dy ndeshje. Një prej tyre është skuadra e Lazios, teksa këta të fundit do të përballen në transfertë kundër Frosinones.
Si çdo kampionat, edhe në Itali, një ditë përpara takimit trajnerët respektivë dalin në konferencë përballë gazetarëve. Konkretisht ishte Simone Inzaghi, ku përveç përballjes së radhës, ka folur edhe për ndeshjen e shkuar, atë të Kupës, ku lacialët eliminuan skuadrën e Interit.
Thuajse në çdo humbje të skuadrës së tij, Inzagi kthehet disi qesharak kur shprehet: “Strakosha nuk bëri asnjë pritje”. Kjo frazë është dëgjuar më shumë se tre herë këtë sezon, ndërsa nënkupton se ekipet kundërshtare fitojnë me pa meritë ndaj Lazios. Por këtë herë ishte momenti i veçantë, kur nga Inzaghi dalin edhe fjalë të mira për portierin shqiptar.
“Ne e merituam kualifikimin me Interin. Strakosha ishte vërtet shumë i mirë. Por kjo është e shkuara, le të shohim për kampionatin tani. Tifozët duan kthesën e skuadrës”, u shpreh Inzaghi në intervistën e tij.
