Mishel Nostradamusit i njihet merita e bërjes së shumë profecive të sakta mbi të ardhmen, që nga vdekja e mbretit Henrit II të Francës, dhe deri tek bombat bërthamore që ranë mbi Hiroshima dhe Nagasaki. Për pjesën më të madhe të jetës së tij, ai ishte një shkencëtar i besueshëm që studioi sëmundjen e Murtajës dhe botën përreth tij.
Por nga fundi i jetës së tij nisi të shkruajë poezi enigmatike, të cilat janë interpretuar gjatë viteve për t’iu përshtatur ngjarjeve historike. Po sa i saktë ishte ai? Dhe a e paralajmëroi vërtet botën mbi ngjitjen në pushtet të Hitlerit, njeriut që do të kryente krime aq të përbindshme?
Jeta e Nostradamusit
Mishel dë Notrëdam, më vonë Nostradamus, lindi në vitin 1503 në Sen Remi të Francë.
Ai nisi ta praktikojë profesionin e mjekut në Agen në vitet 1530, edhe pse ishte përjashtuar nga shkolla e mjekësisë. Ai u bë i njohur për një trajtim inovativ mjekësor të Murtajës.
Por pas vitit 1555 ai nisi të bënte profeci, të cilat i botoi në një libër me poezi të rimuara. Fama e tij si parashikues u bë aq e madhe, saqë u ftua në oborrin e Katerina de Mediçit, bashkëshortja e mbretit francez Henri II, ku ai bënte parashikime mbi fatin e familjes së saj.
Fama e tij u rrit akoma më tej kur pretendohet se parashikoi vdekjen e mbretit. Ai tha se një luan i ri do të kapërcente një të moshuar në një fushë beteje, duke shpuar syrin e luanit të moshuar. Pak muaj më vonë Henri II, do të vdiste gjatë një turneu duelesh me kuaj, kur një heshtë e shpoi maskën dhe i çau syrin monarkut. Nostradamus vdiq në 1566. Një natë para vdekjes ai i tha sekretarit të tij “Nuk do të më gjesh më të gjallë me lindjen e diellit!”. Dhe në fakt ai vdiq natën dhe u gjet i pajetë të nesërmen në mëngjes.
Profecitë e tij: Fat, apo largpamësi?
Për shkak të paqartësisë së poezive 4-vargëshe, shumë njerëz janë kthyer pas në kohë dhe i kanë atribuar shkrimeve të Nostradamus ndodhjen e shumë ngjarjeve. Një nga profecitë më të njohura është mbi Zjarrin e Madh të Londrës:”Gjaku i të drejtëve do të bëjë një gabim në Londër, që do të djegur nga rrufeja e njëzet tre e gjashtë…”.
23 nga 6 mund të tregojnë numrin 66 që ishte viti 1666 kur ra zjarri. Shumë njerëz u vranë në atë incident, dhe ideja e djegies së Londrës mund të shihet si e qartë në poezi. Por paqartësia e strofës lejon interpretime të tjera. Profecia që i atribuohet Hiroshimës dhe Nagasakit:”Mbi dy qyteteve do të bien Murtaja të ngjashme, të cilat nuk janë parë kurrë më parë”.
Apo mbi vrasjen e presidentit amerikan Xhon Kenedi:”Nga lart, e keqja do të bjerë mbi njeriun e madh, dhe një i pafajshëm që do të vritet do të akuzohet për atë vepër”. Dhe në fakt Kenedi u vra nga një snajper nga dritarja e një godine shumëkatëshe, ndërsa vrasësi i dyshuar, Li Harvi Osvald, nuk është besuar kurrë se ka qenë autori i vetëm, dhe u vra para
se të dilte në gjyq. Misteri përreth kësaj ngjarjeje, ka bërë që parashikimi i Nostradamusit të duket shumë i vërtetë.
A e parashikoi ai ngjitjen në pushtet të Hitlerit?
Adolf Hitleri është ndoshta udhëheqësi më famëkeq i një vendi evropian në historinë e kohëve moderne. Ai lindi në vitin 1889 në Austri, luftoi në Luftën e Parë Botërore, dhe u bë udhëheqësi i Partisë Naziste në vitet 1920. Ai ishte Fyhrer i Gjermanisë nga vitit 1933, deri në vdekjen e tij në vitin 1945.
Gjatë kësaj kohe, ai zgjeroi kufijtë e Gjermaninë në të gjithë Evropën, duke pushtuar
Francën dhe Poloninë, dhe kryer krime të tmerrshme ndaj njerëzve që i konsideronte si të padëshirueshëm. Ai njihet si arkitekti i kampeve të vdekjes dhe Holokaustit.
Disa studiues mendojnë se ngjitja e tij u parashikua nga Nostradamusi gati 500 vjet më parë. “Nga thellësitë e Evropës Perëndimore, një fëmijë i vogël do të lindë nga njerëz të varfër, dhe përmes gjuhës së tij, do të arrijë të joshë një grupim të madh njerëzish”- shkruan ai.
Në fakt Hitleri njihej si një individ karizmatik, dhe prindërit e tij vinin nga shtresa e varfër, gjë që i jep më shumë besueshmëri kësaj teorie. Një fjali e mëvonshme madje flet për një zonë të njohur si “Hister”. Hister është një zonë e Danubit, pranë vendit ku lindi Adolf Hitleri. Një rastësi vërtet e çuditshme, apo një profeci mistike?
burimi: https://www.ancient-origins.net/unexplained-phenomena/nostradamus-0015415
Përshtatur për Tirana Today
