Pasi mori Kolo Tourènë te Arsenali, Arsen Venger gjithashtu donte të blinte dhe vëllanë e tij të vogël Yaya-n dhe organizoi një ndeshje miqësore që ky të tregonte veten. Trajneri i Arsenalit e mori për sulmues dhe mbeti i habitur nga ajo që Tourè-ja i tha kur folën për herë të parë:
“Çfarë roli dëshiron të luash?”
“Mesfushor”
“Pse? Kur të pashë në stërvitje u duke më shumë si sulmues.”
“Sepse ju më vutë para. Më spostoni, dua të luaj në mesfushë, si Patriku.”
“Vieira?”
«Po, unë mund të luaj si Patriku. Mund të luaj më mirë se Patriku!”
“Jo, jo, është e pamundur”.
Marrëveshja dështoi dhe Yaya Tourè u detyrua të fitonte përvojë në “periferinë” e futbollit: së pari në Ukrainë pastaj në Greqi.
Përvoja që i dhanë atij mundësinë për të shkuar të “diplomohej” në Barcelonë, në klasë me profesorin Pep Guardiola.
Sapo të mësohej leksioni, Yaya ishte gati të kthehej në Angli.
Ai më në fund arriti në vendin e ëndrrave të tij: në kampionatin ku kishte admiruar Vieiranë, tani, për të provuar se ishte si Vieiraja.
