Norvegjia nuk ka në program të zhvillojë në nëntor një miqësore me Shqipërinë, ashtu si u fol sot që ishte zyrtare një ndeshje që do të zhvillohej në 14-nëntor në ‘Elbasan Arena”.
Federata Norvegjeze e Futbollit në njoftimin zyrtarë që ka bërë në faqen e tyre ka në program të zhvillojë dy miqësore në nëntor, por aty nuk bën pjesë Shqipëria. Kombëtarja norvegjeze do të përballet me Maqedoninë dhe Sllovakinë.
Trajneri Lars Lagerbak deklaron se është i kënaqur që do të zhvillojë dy miqësore ndaj Maqedonisë dhe Sllovakisë. Ai shprehet: “Jam i kënaqur që do kemi dy miqësore në nëntor. Maqedonia dhe Sllovakia janë kundërshtarë të mirë. Të dyja ekipet janë zhvilluar kohët e fundit dhe kanë marrë rezultate pozitive. Çdo ndeshje na ndihmon të përmirësohemi” – përfundoi tekniku Lagerbak.
Tashmë nuk dihet se cili do të jetë kundërshtari për miqësoren e programuar në muajin nëntor.
