Mosarrestimi i Vangjush Dakos, është provë e shkatërrimit të Prokurorisë së Krimeve të Rënda. Kjo është akuza e deputetit të Partisë Demokratike, Flamur Noka.
Ky i fundit, ka kërkuar prangosjen e kreut të Bashkisë së Durrësit, ndërsa tha se përgjimet janë provë e mjaftueshme që dëshmojnë se Dako ka blerë vota nga grupet kriminale.
Fjala e Nokës:
Vangjush Dako ka bashkëpunuar me bandat e Durrësit për të blerë vota, prandaj duhet të jetë në burg. Faktet janë të qarta. Përgjimet janë të plota dhe provojnë lidhjen e tij me bandën e Avdylajve.
Dako dështoi të mashtronte shqiptarët se nuk e dinte aktivitetin kriminal të Avdylajve dhe se i ka takuar ata vetëm për zgjedhje si gjithë qytetarët e Durrësit, pa u bërë asnjë favor.
Deklarata e Dakos është mashtrim i plotë, ai ka pasur lidhur me Abdylaj dhe komunikim të vazhdueshëm me ta. Këtë e dëshmon përgjimi i shkurtit të2017-ës 4 muaj para zgjedhjeve. Në këtë përgjim është zbuluar një tjetër bisedë me Nuçen. Dako duhet të arrestohet pa vonesë, çdo ditë në liri ai shkatërron prova dhe manipulon dëshmitarët.
Mosarrestimi i Dakos është prova e shkatërrimit total të Prokurorisë së Krimeve të Rënda, hedhe në erë alibinë për suksese të Reformës në Drejtësi.
Në Shqipëria s’ka për të patur drejtësi pa u ndëshkuar krimi elektoral që mban në pushtet qeverinë ilegjitime të Edi Ramës.
