VIP-at e Tiranës gjithmonë kanë marrë vemendjen e duhur. Jeta e tyre sa me sekrete, aq edhe publike është hera-herës. Ata mundohen që të tregohen të duruar në publikimin e detajeve, por ndodh shpesh që një foto të “hedhë në erë” gjithçka ata kanë mbajtur të fshehtë.
Ja kush janë disa nga dasmat e fundit më të komentuara mes VIP-ave të Tiranës, që i kanë rezistuar kohës.
Fejohen djali i Nasip Naços dhe vajza e Edmond Haxhinastos
Nasip Naço dhe Edmond Haxhinasto ishin të dy ministra të kabinetit “Rama 1”, kur nga kolegë u bënë edhe krushq. Vajza e Haxhinastos Eliza, u fejua me Frankon, djalin e Naços, në një ceremoni private. I ftuar në një nga televizionet shqiptare, krushku Edmond u shpreh shumë i kënaqur për këtë fejesë: “Kolegu im, Naço, është njeri me shumë integritet, me shumë taban. Njeri shumë serioz, dhe unë jam shumë i kënaqur”.
Dy krushqit e ish-kryeministrit Berisha
Ish-kryeministri Sali Berisha ka bërë tre krushqi. Të parën, nga vajza e tij e madhe Argita, që u martua me Jamarbrin, djalin e Luan Malltezit, historian dhe ish-deputet i PD-së.
Krushqia e dytë, nga djali i tij Shkëlzeni nuk ishte me familje të njohur. Pas divorcit me Sadije Berishën, ai bëri Sali dhe Lirie Berishën krushq me Arben dhe Moza Mevlanin, prindërit e Arminës. Ai spiker lajmesh për vite të tërë në disa nga ekranet më të rëndësishëm, kurse ajo instruktore e njohur fitnesi.
Djali i Bashkim Finos, me vajzën e zyrtarit të LSI-së
Djali i deputetit socialist Bashkim Fino, Redi Fino u martua pak ditë më parë me vajzën e Gëzim Podgoricës, ish-drejtor i Agjencisë Telegrafike Shqiptare (ATSH), dhe njëherësh anëtar i kryesisë së LSI-së.
Ishte vetë Edlira, e cila bëri me dije se çifti është martuar, teksa pozoi me fustanin e bardhë të nuses bashkë me dhëndrin, në tarracën e një prej hoteleve më luksoze në qendër të Tiranës.
Djali i Gjebresë fejohet me vajzën e biznesmenit
Zhurma e fejesës së Jonit, djalit të Ardit Gjebresë ishte një nga më të bujshmet e këtij viti që po lëmë pas. Për shkak të famës së të atit, edhe i biri është bërë personazh e ndiqet nga media, sidomos për shkak të fejesës me Merlinin, vajzën e Adi Haxhiymerit, një nga biznesmenët e njohur të kryeqytetit.
