Ishulli Palmerston, i pozicionuar në veri-perëndim të Zelandës së Re është shtëpia e 62 personave, 59 prej të cilëve janë pasardhës të një personi, i quajtur William Marsters.
Që të shkosh në Palmerston të duhet një udhëtim me anije që zgjat 9 ditë dhe, gjatë këtyre 9 ditëve nuk sheh asgjë tjetër përveç detit dhe qiellit.
Nuk ka dyqane apo tregje në Palmerston sepse komuniteti nuk përdor para, veçse në rastet kur blejnë pajisje nga jashtë. Anijet me furnizime ushqimore vijnë dy herë në vit, ndaj banorët mjaftohen dhe i janë mirënjohës natyrës që ofron me bollëk peshkun dhe arrat e kokosit.
Banorët janë shumë mikpritës ndaj vizitorëve dhe i ftojnë ata të qëndrojnë në shtëpitë e tyre personale.
Në ishull ka dy telefona, 6 orë në ditë energji elektrike, si dhe 4 orë mundësi për të naviguar në internet.
