Observatori i Futbollit, CIES, ka përditësuar renditjen për futbollistët me vlerën më të lartë të tregut.
Klasifikimi kryesohet nga talenti francez, Kylian Mbappe, i cili aktivizohet me PSG. Vlerësimi i këtij lojtari është i barabartë me 265.2 milionë euro. Në vend të dytë renditet Raheem Sterling, i cili aktivizohet me skuadrën e Manchester City. Sterling vlerësohet me një shumë prej 223.7 milionë eurosh.
Ndërsa vendi i tretë i podiumit i takon egjiptianit Mohamed Salah që aktivizohet me skuadrën e Liverpool. Kartoni i tij llogaritet në vlerën e 175.1 milionë eurove. Sa për pozicionet në fushë, lojtarët me vlerën më të lartë të tregut janë:
- Alisson Becker për portierët (77 milionë euro),
- Virgil van Dijk në mesin e mbrojtësve qendror (93 milionë),
- Trent Alexander-Arnold për mbrojtësit e djathtë (110 milionë),
- James Maddison në mesin e mesfushorëve (112 milionë)
- Kylian Mbappé në mesin e sulmuesve (265 milionë).
Bëhet me dije se në referencë janë marrë ata lojtarë, që aktivizohen me klubet e 5 ligave më të mira evropiane (La Liga, Premier League, Serie A, Bundesliga dhe Ligue 1).
