Justin Rosenstein, inxhinieri qw zbuloi butonin “Like” në vitin 2007, një nga karakteristikat më të njohura në Facebook, e ka fshirë këtë aplikacion nga telefoni i tij celular.
Sipas asaj që shkruajnë mediet e huaja, përcjell Telegrafi, Rosenstein thotë se ka frikë nga efektet psikologjike që po u shkaktojnë aplikacionet e tilla njerëzve nëpër botë.
Po sipas mediave të huaja, aq është i shqetësuar ai rreth kësaj çështje, sa që ka bllokuar veten në Reddit dhe Snapchat, si dhe ka kufizuar rreptësisht kohën që kalon çdo ditë në Facebook, shkruan Telegrafi.
Ai madje tanimë ka blerë një telefon të ri dhe ka aktivizuar funksionin që nuk lejon shkarkimin e të gjitha aplikacioneve.
Një studim i vitit 2016 zbuloi se sa më shumë kohë që të rinjtë shpenzojnë në mediat sociale, aq më shumë ka gjasa që ata të bien në depresion.
