Një i ri shqiptar , i cili është i njohur në rrjetet sociale për memet e tij, ka rrëfyer sesi ka lindur konflikti me Majlinda Bregun. Genc Sejko, në një lidhje me skype për “360 Gradë” në “Ora News”, i mëshoi fort faktit se Rama nuk është i interesuar për të vërtetën.
“Shkak u bë një nga fotot që kishte gratë, që drejtojnë shoqatat për mbrojtjen e grave. Fotoja ishte e montuar (fotoja poshtë), ku të gjitha ato dukeshin sikur ishin dhunuar dhe me të shkrimin: kur do flisni!
Majlinda Bregu reagoi menjëherë në Facebook, dhe më kërcënoi për prishje imazhi. Pas 48 orësh, kryeministri doli me të njëjtën tezë, me një paketë antishpifje.
Kryeministri nuk propozon një paketë kundër mashtrimit, por kundër shpifjes. Do ishte interesante të propozonte një paketë kundër propagandës. Kryeministri nuk është i interesuar për të vërtetën, por për të vërtetën e tij”.
