(Daily Mail) Një grua në Zvicër që kishte lindur binjakë, ka rrahur njërin prej tyre deri në vdekje dhe tjetrin e futi në një shportë lavanderie, ka marrë një dënim qesharak. Nëna, e identifikuar si Jelica S. 23 vjeç, tha në gjykatë të Luzernës, se ishte në panik nga puna dhe problemet me babain e fëmijëve të cilin ishte ndarë dhe i kërkonte abort.
Jelica shpjegoi se ajo ishte në shtëpinë ku banonte me nënën dhe motrën, e ishte futur në banjo ku filloi të kërkonte këshilla online. Ajo tha: “Nuk e dija se si lind një fëmijë. E mbusha vaskën kur filloi. Sot nuk më kujtohet se si e bëra. Mbaj mend veten të shtrirë në vaskë dhe shikoja në internet për çfarë të bëj”.
Jelica lindi vetë fëmijën e parë, ajo i tha gjykatës: ‘Isha e frikësuar sepse ai (fëmija) nuk bërtiste siç duhet’. Blick raporton se nëna e Jelicas ishte në shtëpi, por në të vërtetë nuk e kishte dëgjuar çfarë po ndodhte.
Më pas Jesica shkon i merr nënës çelësin e bodrumit dhe shkon atje bashkë me fëmijën. Sapo futet e përplas foshnjën në mur disa herë. Ajo pastaj e hodhi atë në tokë, duke i shkaktuar thyerje të shumta të kafkës dhe një dëmtim traumatik të trurit.
Jelica pastaj e futi fëmijën brenda një arushi të vjetër Mickey Mouse për ta fshehur. Në gjykatë, ajo tha: ‘Unë vetëm e vura atje. Unë nuk e di se çfarë po bëja. ‘ Rreth 31 orë më vonë ajo lindi djalin e dytë, përsëri në banjë, dhe shpjegoi se ai ishte i vdekur. Jelica e mbështolli trupin e vdekur në një peshqir dhe e fshehu në një shportë lavanderie në kuzhinë.
Një ekspert i tha gjykatës se nëse Jelica do të kishte shkuar në spital pas lindjes së parë, fëmija i dytë mund të kishte mbijetuar. Jelica shpjegoi se ajo u rrëzua nga humbja e gjakut pas lindjes së dytë dhe u dërgua në spital nga nëna e saj, e cila ishte në shtëpi.
Policia u thirr pasi mjekët e kuptuan se ajo duhet të kishte lindur, por nuk mundën të gjenin gjurmët e fëmijëve. Jelica, e cila jetonte në Luzern, u shpall fajtor për vrasjen e njërit nga djemtë e saj binjak, ndërsa gjykata tha se tjetri vdiq nga neglizhenca.
Prokurorët, kërkuan që ajo të burgoseshin për tetë vjet. Prokurori tha: ‘I akuzuari ka dy fytyra. Ajo duket naive. Në të vërtetë, ajo është e vështirë dhe llogaritëse. ‘
Gjykata dënoi Jelica S. të kalonte 12 muaj në burg dhe 22 muaj shtesë për lirim me kusht. Një psikiatër i gjykatës gjithashtu sqaroi se Jelica vuajti nga një ‘çrregullim me reaksion të zgjatur depresiv’, i cili mund të ketë kontribuar në mentalitetin e saj.
Përgatiti: TIRANA TODAY
