Ndodh çudia në kategorinë e katër të kampionatit italian. Një rekord i ri, ku mbrojtësi i Gela, Simone Brugaletta është ndëshkuar me karton të kuq pas vetëm tre sekondash. E pabesueshme, por e vërtetë, ai u kthye në dushe edhe pse nuk kishte djersitur asnjë pikë.
Sfida mes Gela dhe Palmese, e vlefshme për javën e 25-të, të Grupit I në kategorinë e katër italiane, u mbyll në barazim 3-3 dhe me vendasit me nëntë futbollistë, por barazimi ka hyrë në histori për kartonin e kuq rekord që ka marrë Brugaletta.
Sapo gjyqtari vërshëlleu fillimin e ndeshjes ai goditi me bërryl sulmuesin kundërshtar. Gjyqtari nuk u mendua dy herë dhe nxori kartonin e kaluar. Gela mbeti edhe me nëntë futbollistë në pjesën e dytë, kaloi dy herë në avantazh, por ndeshja u mbyll 3-3 sepse pësoi gol në minutën e 95-të.
