Pas humbjeve të njëpasnjëshme të Kombëtares Shqiptare, duket se nga FSHF ka nisur puna për të gjetur zëvendësuesin e Panuccit.
Së fundmi, mediat italiane kanë nxjerrë si kandidat të mundshëm një tjetër italian, pikërisht Alberto Malesano.
Ky i fundit është pa skuadër tashmë dhe kërkon të drejtojë një kombëtare. Malesano njihet shumë në Itali, ndërsa është komentuar shpesh nga mediat edhe për problemet me alkoolin.
64-vjeçari pati fituar Kupën e Italisë, Kupën UEFA dhe Superkupën e Italisë në sezonin 1998-1989 me Parmën.
“Më dëmtuan imazhin, duke publikuar një foto teksa po pija verë në kantinën time. Më hapën profile të rreme në rrjetet sociale dhe më cilësuan pijanec. Dikush përfitoi nga kjo situatë, por unë kurrë nuk heq dorë nga profesioni i trajnerit. Do të dëshiroja të drejtoja një Kombëtare”, ka thënë Malesani.
Ndërkohë, portali “calciomercato.it” e lidh me Shqipërinë të ardhmen e ish-trajnerit të Fiorentinës, Parmës, Veronës, Udinezës, Modenës, Empolit, Sienës, Palermos, Xhenoas, Bolonjës dhe Sasuolos në Serinë A.
“Kontaktet me Greqinë mund të ktheheshin në modë, por Malesani mban një sy edhe nga situata në Shqipëri, ku Panucci nuk po arrin rezultate të mira dhe së fundmi është thyer keq, 0-4 me Skocinë”, shkruante dje portali “calciomercato.it”.
