Nga: Flamur Vezaj
Gjykata e Posaçme apo thënë ndryshe togat e zeza pranë SPAK-ut, dhanë dje dy vendime dënimi për dy ish-zyrtarë të lartë në vend! U deklaruan fajtor dhe u dënuan ish-kryetari i Bashkisë Has, Adem Lala nga sigla e PS-së dhe ish-kryetarja e Bashkisë Gjirokastër Zamira Rami nën siglën e LSI-së, por në koalicion me PS-në! Që të dy kishin shpërdoruar detyrën me vetëdije, duke i sjellë dëm shtetit dhe individëve! E në përfundim të hetimit, Gjykata i gjeti fajtor duke i dënuar fillimisht me nga 12 muaj burg (minimumin e ligjit) dhe më pas ia lehtësojë pozitat duke ia pezulluar burgun për ti lenë në shërbimin e provës dhe të kryejnë punë publike!
Unë mendoj se të dy këto vendimet janë qesharake, pasi është dhënë minimumi i mundshëm duke i favorizuar te dy ish-kryetarët! Pasi përveçse duhej dhënë një vendim më i ashpër atyre nuk duhej t’ia pezullonin dënimin me burg, sepse kanë abuzuar me detyrën! Pra të dy këta, kanë bërë shkelje me vetëdije, duke treguar mospërfillje përballë ligjit!
Tipikun e atyre abuzuesve me pushtetin që kanë 30 vite që e trajtojnë zyrën si pronë private dhe mund të bëjnë çfarë të duan! Jo vetëm kaq, por ata duhet të dënoheshin me burg e të qëndronin disa vite në qeli, për ti dhënë edhe një mesazh atyre dhe të tjerëve që kanë abuzuar e vazhdojnë të shkelin ligjin!
Që nëse abuzon me detyrën dhe shkel ligjin, duhet të rrish në burg e jo në shtëpi e nëpër kafet e lagjeve apo edhe duke bërë fushatë për partinë që të vendosi në drejtim të atyre Bashkive! Veç ketyre, ky vendim, fatkeqësisht mua më përforcon dyshimet se edhe me reformën e re në drejtësi ish/ dhe zyrtarët e lartë të administratës nuk po ndëshkohen por vazhdojnë të favorizohen në emër të procedurës dhe ligjit!
Sa për dijeni, ligji thotë që nëse gjendesh fajtor për akuzën e “shpërdorimit të detyrës” dënohesh me burg deri në 7 vite, dmth maksimumi i kësaj vepre është 7 vite burg! Ndërsa Gjykata e re për dy ish-zyrtarët dha një dënim qesharak me 12 muaj burg e më pas ia pezulloi atë duke i favorizuar!
