U luajtën plot 11 sfida emocionuese në NBA, ku pa dyshim vëmendjen kryesore e tërheq fitorja 126-125 e Miami Heat ndaj Golden State Warriots. Një magji, një kosh ireal në sekondën e fundit, që vetëm një kampion i madh si Dwyane Wade mund ta dhurojë, vendosi përballjen në “American Airlines Arena”. Kampionët në fuqi të NBA u detyruan të dorëzoheshin “in extremis”, edhe pse kishin në përbërje Klay Thompson dhe Kevin Durant, respektivisht me 36 dhe 29 pikë, ndërsa për skuadrën nga Florida spikati Dragic me 27 pikë në vetëm 20 minuta e 14 sekonda mbi parket.
https://twitter.com/MiamiHEAT/status/1100961018015109120
U duk sikur nuk do të kishte fund përballja mes kryesuesve të Lindjes, Milwaukee Bucks, dhe Sacramento Kings. Koha e rregullt u mbyll në barazim 126-126, ndërsa në shtesë Bucks triumfuan me vetëm një pikë diferencë, 140-141. MVP i kësaj përballje ishte pa më të voglin dyshim Eric Bledsoe, që e mbylli ndeshjen me “triple-double”: 26 pikë, 13 asistime dhe 12 “rebound”. Për Milwaukee ishte fitorja e shtatë radhazi. 32 pikët e Buddy Hield dhe 28 të Bogdanovic nuk u shërbyen për asgjë në fund Kings.
Kemba Walker bëri gjithçka për Charlotte Hornets ndaj Houston Rockets, duke shënuar plot 35 pikë, por skuadra e tij u mposht me rezultatin 113-118, me James Harden që realizoi 30 pikë për Rockets.
Kthehen te fitorja Los Angeles Lakers, që nën udhëheqjen e LeBron James iu imponuan 125-119 New Orleand Pelicans. 33 pikë dhe 10 asistime për “mbretin” James, që zhvlerësoi në njëfarë mënyrë 35 pikët e Randle.
Rezultatet:
- Charlotte Hornets – Houston Rockets 113-118
- Atlanta Hawks – Minnesota Timberwolves 131-123
- Brooklyn Nets – Washington Wizards 116-125
- Miami Heat – Golden State Warriors 126-125
- Boston Celtics – Portland Trail Blazers 92-97
- Memphis Griizzlies – Chicago Bulls 107-109
- Dallas Mavericks – Indiana Pacers 110-101
- San Antonio Spurs – Detroti Pistons 105-93
- Utah Jazz – Los Angeles Clippers 111-105
- Sacramento Kings – Milwaukee Bucks 140-141
- Los Angeles Lakers – New Orleans Pelicans 125-119 /SS
