Pas eliminimit të Spanjës nga Botërori, pikërisht nga Rusia organizatore, kanë ardhur edhe lamtumirat në përfaqësuesen iberike. Është Andres Iniesta i cili e kishte ndeshjen e tij të fundit me përfaqësuesen dhe e mbylli në mënyrën më të keqe. Iniesta në këtë ndeshje erdhi si zëvendësues, pasi u aktivizua në minutën e 65’ duke marrë vendin e Andes Silvas.
Njeriu që me golin e tij në 2010-ën i dha trofeun e vetëm të Kupës së Botës Spanjës nuk do ta veshë më fanellën e “La Rojas”:
“Është realitet, kjo ishte ndeshja ime e fundit me përfaqësuesen. Në nivel individual, mbyllet një etapë e mrekullueshme. Nganjëherë finalet nuk vijnë ashti siç i shpreh apo i ëndërron. Është dita më e trishtë e karrierës sime. Po iki me një shije të hidhur, është një moment i vështirë. Nuk arritëm të hidhnim një hap më shumë për shkak të rrethanave. Nuk ishte lamtumira më e mirë, por në futboll këto janë gjëra që ndodhin.”
