Një 16-vjeçare nga Korça ka nderuar të gjithë Greqinë, pasi është shpallur kampione bote në hedhje shtize. Elina Xhengo, lindur e rritur në Halkidiki, garon me ngjyrat e vendlindjes, dhe jo të origjinës. Kjo arritje nuk ka shkuar në vesh të shurdhër, pasi mediat greke i kanë bërë jehonë.
Këtë arritje spektakolare të së resë, programi “To kuti tis Pandoras” e cilëson si përgjigjen më të mirë ndaj çdo thirrje raciste e nacionaliste ditëve të fundit, në kufirin greko-shqiptar.
Elina Xhengo është shpallur kampione bote në hedhje shtize në 16 tetor, në Olimpiadën e Argjentinës, ku ka thyer dhe rekordin botëror të disiplinës, pas shumë viteve, me 63,34 m.
Një tjetër triumf për atleten 16-vjeçare të “Kentaurus” Halkidiki, titulli si Atletja më e Mirë e Europës për muajin tetor, nga Shoqata Europiane e Atletëve. Vlerësimi është arritur pas një votimi online, me ndihmën e mediave sociale, ku Elina Xhengo ka marrë 3.470 vota, duke lënë pas Jaroslava Mahucik nga Ukrania me 3.150 vota dhe Aleksandra Naseva, Bullgari, me 2.731 vota.
