Një kinema e re në zonën e Laprakës në Tiranë, do të mbajë emrin e piktorit dhe arkitektit të ndjerë, Maks Velo.
Kinemaja e Laprakës ishte projektuar që në vitet ‘70, por pas viteve ‘90 u la në harresë.
Ndërkohë arkitekti punoi deri vonë për rikonstruksionin e saj dhe sot ajo është gati të mirëpresë të gjithë artdashësit.
Në inspektimin e projektit, ishte edhe motra e Maks Velos, Diana, e cila tha se kujtimi i tij dhe vepra artistike që la pas, do të mbeten të paharruara.
Kinemaja “Maks Velo” ka një sallë multifunksionale, e cila do të shërbejë për aktivitete të ndryshme si kinema, shfaqje, konventa, seminare, promovime librash, teatër, dhe organizimin e aktiviteteve të ndryshme kulturore nga nxënësit e Laprakës.
