Një ditë para protestës së Partisë Demokratike, Kryeministri Edi Rama ka dhënë të njëjtin mesazh për qytetarët që dha nga foltorja e Parlamentit ditën e enjte.
Në një postim në rrjetet sociale, Rama akuzon Lulzim Bashën se po përdor protestën kundër negociatave të Shqipërisë.
“Lulëzim Basha ju do për një foto në lajmet e botës: Shqipëria në protestë kundër ministrit të brendshëm trafikant droge! Kush do i shkojë pas nesër ta dijë pse po del e mos thotë pastaj nuk e dija që audiopërgjimi ishte sajesë e esadistëve të rinj kundër çeljes së negociatave me BE”, shkruan Kryeministri Rama në rrjetet sociale.
