Manchester Unitedi ka fituar ndaj Brightonit në Ligën Premier me rezultat 1-0. Vendasit ishte dukshëm më të mirë nga fillimi deri në fund dhe kjo ishte një fitore e merituar. Shansi i parë në takim i takoi mysafirëve, të cilët me anë të Anthony Knockaert rrezikuan në minutën e pestë. Në minutën e 45-të dyshja Romelu Lukaku dhe Paul Pogba kishin raste të mira, por portieri Mathew Ryan nuk lejoi që rrjeta e portës së tij të tundet.
Goli i vetëm në takim u shënua nga Ashley Young në minutën e 66-të, kjo pas një devijimi të lojtarit kundërshtar. Në minutën e 88-të Zlatan Ibrahimovic gjuajti rrezikshëm, por jashtë, e gjitha kjo pas një aksioni të bukur. Pas kësaj fitore Man Utd renditet në vendin e dytë me 29 pikë, kurse Brighton në pozitën e nëntë me 16 pikë. Ndeshja e ardhshme e skuadrës së Jose Mourinhos është ndaj Watfordit, kurse Brighton luan kundër Crystal Palace.
Barazim i papritur mes Tottenhamit dhe West Brom në stadiumin “Wembley”. Rondon shënoi për miqtë që në minutën e 4-t, ndërsa Harry Kane barazoi pas shumë përpjekjesh në të 74-ën. Në takimet e tjera të së shtunës Newcastle United u mposht 0-3 nga Watfordi, Crystal Palace – Stoke City përfundoi 2-1, ndërsa Swansea – Bournemouth 0-0.
