Pak minuta pas zgjedhjes si President i Republikës ka ardhur dhe urimi i parë për Ilir Metën.
Presidenti ende në detyrë i Republikës, Bujar Nishani, përmes një telefonate uroi zgjedhjen në postin e Presidentit të ri të Republikës, Ilir Metën.
Presidenti Nishani uroi gjithashtu Presidentin e zgjedhur për përmbushjen me sukses të detyrës së lartë të Kreut të Shtetit.
Kuvendi miratoi sot kandidaturën e tij për këtë post me 87 vota pro.
Në orën 17:10 ka nisur seanca e Parlamentit për zgjedhjen e kreut të ri të shtetit. Ilir Meta ishte kandidatura e vetme për këtë post dhe ka marrë mbështetjen unanime nga PS për kandidimin.
