Pas dëgjesës publike lidhur me Teatrin Kombëtar mes aktorëve dhe kryetarit të Bashkisë, Erion Veliaj, një reagim është përcjellë nga ana e ish-presidentit Bujar Nishani.
Ai ka sulmuar kryeministrin Edi Rama dhe kreun e Bashkisë së Tiranës, Erion Veliaj, lidhur me draftin për shembjen e Teatrit Kombëtar, dhe ndërtimin e një godine të re me gjashtë kulla.
Sot Veliaj deklaroi se Bashkia ka ofruar tokën, që të marrë një Teatër. Ndërsa Nishani thotë se Qeveria dhe Bashkia janë vetëm administratorë e jo pronarë të tokës në Tiranë. Nishani, me anë të një statusi në Facebook, e ka cilësuar këtë situatë si qesharake.
