Presidenti i Republikës, Bujar Nishani priti dhe zhvilloi një takim me një përfaqësi udhëheqësish, politikanësh dhe personalitetesh nga Medvegja, Bujanoci dhe Presheva.
“Ju keni bërë sakrifica të mëdha dhe një punë të jashtëzakonshme e të lavdërueshme për të ruajtur dhe të mbajtur të pandryshuar identitetin tuaj kombëtar dhe kulturor. Dhe për këtë meritoni përgëzime dhe vlerësime të sinqerta.” – theksoi Presidenti.
Politikanët, udhëheqësit dhe personalitetet shqiptare në takim i dhuruan Presidentit Nishani librin “Lugina e Preshevës, pjesë e unitetit kombëtar”, kushtuar tërësisht vizitës së kryer rishtazi nga Presidenti i Republikës në mars të këtij viti.
