Ish-presidenti Bujar Nishani ka dhënë alarmin lidhur me lajmin se Holanda po shqyrton mundësinë e kthimit të vizave për shqiptarët.
Me anë të një postimi në Facebook, Nishani shkruan se kërkesa e Holandës është zyrtare nga agjensitë që janë të ngarkuara me çështjen e sigurisë dhe luftën kundër kriminalitetit.
Gjithashtu, Nishani rikthen në vëmendje nëntorin e 2016-ës, kur në cilësinë e Kreut të Shtetit thirri mbledhjen e Këshillit të Sigurisë Kombëtare për të reaguar ndaj fenomenit të kultivimit dhe trafikimit të drogave. Ai shkruan se ky shqetësim dhe angazhim institucional u bojkotua, u ironizua, u anatemua dhe u injorua.
Sipas ish-presidentit, nëse nuk shohim konfiskime të pasurive kriminale, procese ligjore të vërteta dhe transparente të hetimit dhe gjykimit të ashtuquajturve politikanë, apo nëse nuk shohim pastrim të Parlamentit nga kriminelët ordinerë, së shpejti Evropën do e shohim përmes BBC dhe Euronews.
Postimi i Nishanit:
