Sot, Presidenti Bujar Nishani firmosi një dekret të veçantë për një çift kosovar. Nishani i dha nënshtetësinë shqiptare ish-kryeministrit të Kosovës dhe liderit të Aleancës për Ardhmërinë e Kosovë, Ramush Haradinaj, i cili ndodhet ende në Francë për shkak të procesit gjyqësor kundër tij, në bazë të kërkesës së Serbisë. Kreu i Shtetit, gjithashtu, i ka dhënë nënshtetësinë edhe bashkëshortes së Ramush Haradinajt, Anita Haradinaj.
Dekreti i firmosur nga Presidenti Bujar Nishani:
“Në mbështetje të nenit 92, pika “c”, dhe nenit 93 të Kushtetutës, si dhe nenit 9, pika 7 e nenit 20 të ligjit nr. 8389, datë 05.08.1998, “Për shtetësinë shqiptare” të ndryshuar, u jepet shtetësia shqiptare me kërkesë të tyre, personave Ramush Hilmi Haradinaj dhe Anita Mustafë Haradinaj”, thuhet në dekretin e presidentit për shtetësinë e Haradinajt.
