Zinedine Zidane do ta nisë vitin e ri me probleme në sulm, pasi Karim Benzema do të mungojë për më shumë se tre javë. Megjithëse Los Blancos vetëm tani janë rikthyer në stërvitje pas pushimit të dimrit, kalendari do të jetë i ngjeshur duke filluar që nga janari dhe Benzema pritet të mungojë të paktën për dy ndeshjet e Copa del Rey ndaj Numancia, në La Liga ndaj Celta Vigo dhe mbase edhe ndeshjet me Villarreal dhe Deportivo La Coruna.
Pasi për të parën herë e hasi këtë dëmtim në fillim të ndeshjes ndaj Barcelona-s në El Clasico, sulmuesi nuk ka qenë pjesë e skuadrës në stërvitjen publike të shtunën. Ai ka filluar riaftësimin i veçuar. Disa kishin dyshime se Benzema iu shmang stërvitjes përpara tifozëve të Real Madrid për të shmangur fërshëllimat e mbështetësve, por nuk ishte kjo çështja.
