Të gjithë pensionistët do të mund të tërheqin shpërblimin e tyre prej 3 mijë lekësh në kuadër të festave të fundvitit.
Po ashtu, është hartuar një grafik me qëllim shmangien e problemeve në shpërndarjen e pensioneve, i cili do të mundësoje shpërndarjen e tij deri në fund të dhjetorit.
Por, çfarë do të ndodhë me shpërblimin e pensionistëve që nuk do të kenë mundësi ta tërheqin atë para 30 dhjetorit?
Mësohet se qeveria ka mundësuar tërheqjen e shpërblimit bashkë me pensionin e muajit Janar apo në vazhdim.
Për sa i përket pensionistëve që e marrin pensionin pranë bankave të nivelit të dytë, shpërblimi i fundvitit do t’u kalohet në llogarinë bankare të çelur për kreditimin e pensionit mujor. Kalimi i shpërblimit në llogarinë bankare do të bëhet në datën 20 dhjetor.
Sot do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1 dhjetor 2017.
