Banorët e Unazës së Re kanë dalë sërish sot në protestë. I pranishëm është edhe kryetari i Partisë Demokratike, Lulzim Basha i cili ka folur për pazare të Ramës e Gjiknurit.
Po ashtu, Basha tha se në burg po mbahen njerëz të pafajshëm. Sot është dita e 35-të e protestës, ku banorët kërkojnë të mos shemben shtëpitë e tyre, në të kundërt duan dëmshpërblim të plotë me vlerë tregu.
Me parullat “Shpia jonë, jeta jonë. Këtu vendosim ne. Shpiat tona i mbrojmë me gjak, me gjakun tonë ushqehet krimi”, banorët kërkojnë plotësimin e kërkesave të tyre.
“Kjo është një pjesë e helmit që derdh Edi Rama, me paratë e vjedhura këtyre banorëve. Armiku i të keqes është bashkimi i shqiptarëve. Ndonëse është zbuluar se këtu kemi një vjedhje rekord, banorët e thonë vetë, se u kanë sjellë shtëpi letra për ti prishur. Në ato qeli që mbajnë këta banorë, Dorianin dhe shokët e tij, duhet të jetë Afrim Qendro e Daimian Gjiknuri. Ka më shumë se 24 orë, për këtë vjedhje, tashmë nuk është vjedhje, por edhe një pastrim parash”, tha ndër të tjera Basha.
Ata mbështeten edhe nga kryetari i PD-së, Lulzim Basha dhe deputetët e LSI-së, Endrit Braimllari, Klajda Gjosha, Nora Malaj, Kejdi Mehmetaj dhe Floida Kërpaçi.
