Rigels Balili, nipi i të shumëkërkuarit Klement Balili dhe njëherësh edhe kryetari i Bashkisë së Delvinëës, ka sqaruar arsyen se përse xhaxhai i tij u dorëzua pikërisht sot.
Në një lidhje telefonike për “Dritare” në NeWs 24, i pyetur nëse është arrestuar apo vetëdorëzuar, ai u shpreh se Klementi është vetëdorëzuar pasi dosja e tij ishte plotësuar dhe kishin ardhur edhe letërporositë nga Greqia.
Ai tha se Balili edhe një vit më parë ishte shprehur se do të dorëzohej para drejtësisë pasi dosja e tij të plotësohej dhe t’i shkonte Prokurorisë.
“Është vetëdorëzuar, unë kam bërë negociata me drejtori ne policisë bashkë me xhaxhain dhe kemi shkuar në zyrë. Që në datën 10 kanë nisën negociatat.
Ai është shprehur edhe më parë që kur dosja të kompletohet dhe të shkojë në gjykatë, ai do të dalë para drejtësisë”, deklaroi ai.
I pyetur se ku qëndronte gjithë këto muaj që ishte në kërkim, Rigelsi është shprehur se pyetja i duhet bërë të pandehurit, dhe se ai nuk ka pasur kohë që ta pyeste.
