Ish-kryeministri i Maqedonisë, Nikolla Gruevski është sërish jashtë qelisë së burgut. Gjykata Themelore Shkupit ka lëshuar fletarresti për Nikolla Gruevskin.
Gjykata sot në ora 16:30 e ka dorëzuar fletarrestin në Sektorin për Punë të Brendshme-Shkup, duke kërkuar edhe shpalljen e urdhërarrestit.
Në njoftimin e Gjykatës Themelore Shkupit thuhet se menjëherë pasi ka marrë fletarestin, MPB është vënë në kërkim të Gruevskit.
Por ditën e premte tentativat e korrierit të gjykatës për t’i dorëzuar Gruevskit vendimin e Këshillit Penal, për vuajtjen e dënimit me burg, për rastin “Tanku”, ishin të pasuksesshme. Policia në këtë rast nuk u aktivizua për gjetjen e Gruevskit, në mënyrë që ai ta vuaj burgun, për veprën penale të kryer.
Korrieri i gjykatës ka vizituar tre herë banesën e Gruevsit për t’i dorëzuar vendimin e Këshillit Penal por në të tria herët Gruevsi nuk është gjetur në shtëpi.
Nikolla Gruevski u dënua me dy vitesh burg për blerjen e Mercedesit 600 mijë euro, në kohën kur ai ishte në krye të ekzekutivit.
