Një ngjarje e rëndë ka ndodhur në Nigeri, ku mediat lokale bëjne me dije se 18 persona janë ekzekutuar nga militantë të dyshuar islamikë.
Sulmi i së mërkurës ndodhi në Dabna, një fshat afër zonës administrative të Hong në shtetin Adamawa, thanë zyrtarët. James Pukuma, kryetari i zonës administrative Hong, i tha Reuters se 18 njerëz ishin vrarë kur një grup i armatosur sulmuan fshatin, shkruan US News.
Dy kisha dhe një shtëpi që i përkiste një banori lokal u dogjën, tha Mohammed Aminu, kryetari i agjencisë së emergjencës shtetërore Adamawa.
Sulmet nga militantët islamikë janë intensifikuar në verilindje të Nigerisë muajt e fundit, me dhjetëra ushtarë të vrarë dhe mijëra nigerianë janë zhvendosur nga banesat e tyre
