Pas një kohe të gjatë protestash nga nënat e fëmijëve me aftësi të kufizuara, të cilat u ndjenë të ofenduara nga deklaratat e Zëvendës kryeministrit bullgar, ky i fundit ka dhënë dorëheqjen. Lajmin e ka përcjellë zyra e shtypit e qeverisë, e cila njoftoi se nga ana e saj dorëheqja u pranua nga kryeministri, konservatori Bojko Borisov.
Nënat e fëmijëve me aftësi të kufizuara u mobilizuan fillimisht për të kërkuar në parlamentin bullgar ndihmë më të mirë sociale. Ato protestonin çdo mbrëmje në Sofje prej disa javësh, për të kërkuar dorëheqjen e zëvendëskryeministrit Valeri Simeonov. Ky i fundit e kishte cilësuar absurde kauzën e tyre, se po përdornin fëmijët dhe mashtronin shoqërinë për përfitime materiale.
